‘भदौ २३–२४ का दोषीलाई कारबाही गरे सदन आधा रित्तिन्छ’ : हर्क साम्पाङ
श्रम संस्कृति पार्टीका अध्यक्ष तथा प्रतिनिधिसभा सदस्य हर्क साम्पाङले भदौ २३ र २४ गतेसँग सम्बन्धित घटनाका दोषीहरूमाथि कारबाही हुनुपर्ने धारणा व्यक्त गरेका छन्।
साम्पाङले शुक्रबार आफ्नो फेसबुक पेजमार्फत “भदौ २३ र २४ को दोषीहरू सबैलाई कारबाही गर्ने हो भने सदन आधा रित्तिने देखिन्छ” भन्दै व्यंग्यात्मक टिप्पणी गरेका हुन्।
उनको उक्त अभिव्यक्ति सामाजिक सञ्जालमा चर्चा भइरहेको छ। पोस्टमा उनले कुनै व्यक्ति वा दलको नाम उल्लेख नगरे पनि भदौ २३ र २४ गतेसँग सम्बन्धित घटनामा संलग्न व्यक्तिहरूलाई लक्षित गर्दै टिप्पणी गरेको अनुमान गरिएको छ।
साम्पाङको भनाइले पछिल्लो राजनीतिक बहस र जवाफदेहितासम्बन्धी विषयलाई पुनः चर्चामा ल्याएको छ। यद्यपि उनले आफ्नो पोस्टमा थप विवरण खुलाएका छैनन्।
सामाजिक सञ्जालमा सक्रिय रहने साम्पाङले समय–समयमा समसामयिक राजनीतिक तथा सामाजिक विषयमा आफ्ना धारणा सार्वजनिक गर्दै आएका छन्।
