नेपालको घरेलु मैदानमा हुन लागेको महत्त्वपूर्ण सेमिफाइनल खेलमा प्रशिक्षक सन्तोषकुमार तामाङले भारतलाई हराउने रणनीति तयार भएको बताएका छन्। प्रशिक्षक तामाङका अनुसार, भारतको अनुभवी मिडफिल्डर अञ्जु तामाङ चोटका कारण अनुपस्थित हुँदा र गोलकिपर पान्थोई चानु नयाँ भएकाले नेपालले त्यसको फाइदा उठाउने योजना बनाएको छ।
भारतका प्रशिक्षक सन्तोषकुमार कश्यपले नेपालसँग खेल्न आफूहरू तयार रहेको प्रतिक्रिया दिँदै घरेलु समर्थकको अगाडि उत्कृष्ट प्रदर्शन गर्ने प्रतिवद्धता जनाएका छन्। समूह ‘ए’बाट उपविजेता हुँदै भारत सेमिफाइनलमा पुगेको थियो, जहाँ पाकिस्तानलाई ५–२ ले हराएको भए पनि दोस्रो खेलमा साबिक विजेता बंगलादेशसँग ३–१ ले पराजित हुनुपरेको थियो।
नेपाल भने समूह ‘बी’को विजेताका रूपमा अन्तिम चारमा प्रवेश गर्यो। नेपालले तीन खेलमा १७ गोल गर्दै सात अंक जोडेको छ, जबकि कुनै पनि टोलीले गोल गर्न नसकेको उत्कृष्ट प्रतिरक्षा पनि नेपालले प्रदर्शन गरेको छ।
