ओमानमा जारी टी–२० विश्वकप छनोट प्रतियोगिताअन्तर्गत ‘सुपर सिक्स’ चरणको खेलमा नेपालले ओमानलाई ३८ रनले पराजित गरेको छ। नेपालले टस जितेर पहिले ब्याटिङ गर्दै २० ओभरमा १५२ रनको लक्ष्य दिएको थियो। जवाफी ब्याटिङमा ओमान ९ विकेट गुमाउँदै ११३ रनमा सीमित रह्यो।
नेपालका लागि कुशल भुर्तेलले उत्कृष्ट प्रदर्शन गर्दै सर्वाधिक ६९ रन बनाए भने दीपेन्द्र सिंह ऐरीले पछिल्ला पाँच खेलमा लगातार पाँच पटक ‘डाइरेक्ट हिट’मार्फत रन आउट गरेर दुर्लभ कीर्तिमान कायम गरे।
यस जितसँगै नेपाल र ओमान दुवैको सुपर सिक्स अङ्क समान भए पनि रनरेटमा नेपाल अघि रहँदै विश्वकपको टिकट पक्का गरेको छ। लगातार दोस्रो पटक टी–२० विश्वकपमा स्थान बनाउन सफल भएको नेपालले अब शुक्रबार हुने अन्तिम खेलमा सामोआसँग भिड्नेछ।
