काठमाडौँ उपत्यकामा ट्राफिक नियम उल्लङ्घन गर्ने सवारीचालकमाथि गरिएको निगरानीका क्रममा पछिल्लो २४ घण्टामा २ हजार ६४१ जना कारबाहीमा परेका छन्। ट्राफिक नियमको बेवास्ता गर्ने चालकबाट राज्यकोषमा २२ लाख ९६ हजार ५०८ रुपैयाँ राजस्व समेत संकलन भएको छ।
काठमाडौँ उपत्यका ट्राफिक प्रहरी कार्यालयका अनुसार विभिन्न प्रकारका ट्राफिक उल्लङ्घनका घटनामा चालकहरूलाई जरिवाना गरिएको हो। सबैभन्दा धेरै १ हजार ६८८ जना अन्य विभिन्न ट्राफिक नियम उल्लङ्घनका कारण कारबाहीमा परेका छन्।
मादक पदार्थ सेवन गरेर सवारी चलाउने ७९ जना पक्राउ परेका छन् भने नियमविपरीत राइड सेयरिङ गर्ने १४७ जनामाथि पनि कारबाही गरिएको छ। त्यस्तै, ट्राफिक बत्ती उल्लङ्घन गर्ने १५४ जना र तीव्र गतिमा सवारी चलाउने १२२ जना चालकलाई जरिवाना गरिएको कार्यालयले जनाएको छ।
- मादक पदार्थ सेवन गरी सवारी चलाउने – ७९
- नियमविपरीत राइड सेयरिङ गर्ने – १४७
- सङ्केत बत्ती उल्लङ्घन गर्ने – १५४
- तीव्र गतिमा सवारी चलाउने – १२२
- लेन अनुशासन उल्लङ्घन गर्ने – ११९
- निषेधित क्षेत्रमा हर्न बजाउने – ११३
- सडकपेटीमा पार्किङ गर्ने – ११९
- एकतर्फी सडकमा सवारी चलाउने – १००
- अन्य ट्राफिक नियम उल्लङ्घन गर्ने – १ हजार ६८८
ट्राफिक प्रहरीले सवारी दुर्घटना न्यूनीकरण र सडक अनुशासन कायम गर्न नियमित अनुगमन तथा कारबाहीलाई निरन्तरता दिइरहेको जनाएको छ। कार्यालयले चालकहरूलाई ट्राफिक नियमको पालना गर्न र सुरक्षित यात्रा सुनिश्चित गर्न आग्रह समेत गरेको छ।
