फिफा विश्वकप २०२६ अन्तर्गत भएको प्रतिस्पर्धात्मक खेलमा साउदी अरेबिया र उरुग्वेले बराबरी खेल्दै एक–एक अंक बाँडेका छन्। अमेरिकाको मियामीस्थित रंगशालामा मंगलबार बिहान सम्पन्न खेल १–१ को नतिजामा टुंगिएको हो।
पहिलो हाफमा साउदी अरेबियाले प्रभावशाली प्रदर्शन गर्दै अग्रता बनाएको थियो। खेलको ४१औँ मिनेटमा अब्दुल्लाह अल-अम्रीले गोल गर्दै टोलीलाई उत्साहित बनाएका थिए। उक्त गोलसँगै साउदी पहिलो हाफमा १–० ले अघि रह्यो।
दोस्रो हाफमा भने उरुग्वेले खेलमा फर्कने प्रयासलाई तीव्र बनायो। लगातार आक्रमण गरिरहेको उरुग्वेले अन्ततः ८०औँ मिनेटमा बराबरी गोल निकाल्न सफल भयो। म्याक्सी अराउजोले गोल गर्दै खेललाई १–१ को अवस्थामा पुर्याएका थिए।
बराबरीपछि दुवै टोलीले जित निकाल्ने प्रयास गरे पनि थप गोल निस्कन सकेन। साउदीले सुरुआती अग्रता जोगाउने प्रयास गर्यो भने उरुग्वेले अन्तिम समयसम्म दबाब कायम राख्यो।
निर्धारित ९० मिनेटको खेल सकिँदा दुवै टोलीले एक–एक गोल गर्दै अंक बाँड्न बाध्य भए। विश्वकपको समूह चरणमा दुवै टोलीका लागि यो नतिजाले महत्वपूर्ण एक–एक अंक सुनिश्चित गरेको छ।
