चेन्नईको मनालीमा भीषण आगलागी, तेलका ड्रम पड्किँदा त्रास
चेन्नईको मनाली क्षेत्रमा सोमबार ठूलो आगलागी भएको छ। आगो नियन्त्रणमा लिन दमकलकर्मीले लगातार प्रयास गरिरहेका छन्।
भारतको चेन्नईस्थित विचूरको लक्ष्मी नगरमा रहेको एक निजी तेल गोदामबाट बिहान करिब ११:३० बजे बाक्लो धुवाँ निस्किएको देखिएको थियो। केही समयमै आगोले ठूलो रूप लिएको बताइएको छ।
सूचना पाएपछि अग्नि नियन्त्रण तथा उद्धार टोली पानी ट्यांकरसहित घटनास्थल पुगेको थियो। तर आगोको तीव्रताका कारण सुरुवातमै घटनास्थल नजिक पुग्न कठिन भएको अधिकारीहरूले बताएका छन्।
आगो फैलिँदै जाँदा छेउका भवनसमेत प्रभावित भएका छन्। गोदामभित्र रहेका तेलका ड्रम एकपछि अर्को गरी पड्किँदा आसपासको क्षेत्रमा त्रास फैलिएको थियो।
घटनामा एक महिला घाइते भएकी छन्। उनको शरीरमा जलन भएको जनाइएको छ।
अहिलेसम्म आगलागीको कारण खुलेको छैन। सुरक्षाकर्मीले क्षेत्र खाली गराउँदै आगो नियन्त्रणको प्रयास जारी राखेका छन्।
